Chung Cheuk Hang MichaelJava Web Developer

Java 開發筆記（一）

1 安裝所需程式

1 安裝所需程式

1.1 Java Development Kit（JDK）（必須）

Programming language + JVM（用黎執行 Java bytecode）。

去 Oracle JDK 官網下載，需要 Oracle 帳號。

或者直接去 Michael 既 Google Drive。

亦可以用 Azul 推出既 OpenJDK 既 Zulu builds：

需要執行 + 安裝。

建議至少安裝 Java 8 或 11。新版 Eclipse 可能需要 Java 11 先用到（但可以用 JDK 8 黎 compile code）。

1.1.1 Double-click 執行 JAR 檔

如果安裝左唔同版本既 JDKs，又想 double-click JAR 檔（.jar）可以用自己揀既 JDK 黎開，可以用下面既 registry 檔案黎直接改。

先指定用 JDK 裡面既 bin/javaw.exe 檔作為開啟 .jar 檔既默認程式。
根據 JDK 安裝路徑修改下面既內容，然後儲存做一個 .reg 檔。
Double-click 呢個檔案。

如果你既 JDK 係用 .exe 檔安裝既（適用於 Oracle JDK，其他唔清楚）：

Windows Registry Editor Version 5.00

[HKEY_CLASSES_ROOT\jarfile\shell\open\command]
@="\"C:\\Program Files\\Java\\jdk1.8.0_333\\bin\\javaw.exe\" -jar \"%1\" %*"

如果你既 JDK 係 portable 安裝（解壓縮 .zip 檔），未必會有上面既 registry，咁就建議改以下既 registry：

Windows Registry Editor Version 5.00

[HKEY_CLASSES_ROOT\Applications\javaw.exe\shell\open\command]
@="\"C:\\Users\\Michael\\Desktop\\Apps\\zulu11\\bin\\javaw.exe\" -jar \"%1\" %*"

完成之後我地以後 double-click 黎開 JAR 檔既時候就會用到我地指定既 JDK。

參考資料：

1.2 Eclipse IDE（必須）

強大既 Java 專用 editor，用黎方便開發，可以 highlight syntax、compile 以及 debug with breakpoints。

Eclipse IDE for Enterprise Java and Web Developers 官方下載

喺 Download Links 下面選擇返相應平台下載，然後解壓縮就得，執行之前必須先安裝 JRE 或 JDK，否則會開唔到。

1.2.1 選擇 JDK

去 menu bar > Window > Preferences > 左邊 filter text 打 jre > 揀 Installed JREs > Add... > Standard VM > JRE home 揀返 JDK 既 folder > 再揀返 default 既 JDK。

1.2.2 關於 perspective

Perspective 都算係 Eclipse 既獨有設置，用黎畀我地根據唔同情境而快速改變 IDE 顯示緊既資訊排版。

常用 perspectives：

Perspective	幾時用
Java	改 code 既時候用
Debug	Debug program 既時候用
Git	搞 version control 既時候用

一個 perspective 由多個 views 組成。

比如喺 Java perspective 之下，左手邊就係 Package Explorer，中間就係 source code，右邊就有 Outline 等等；喺 Debug perspective 之下，見到既野就會唔同，例如右邊會顯示 breakpoints。

Java perspective：

Debug perspective：

Git perspective：

Menu bar 下面，打橫既果條滿曬 icons 既 tool bar 既最右邊，有兩三個 icons，用黎 control perspectives，right click 落去，撳 Show Text。如果顯示緊 Java EE，咁就切換成 Java。如果冇顯示 Java 而只有 Java EE，咁就去 menu bar > Window > Perspective > Open Perspective > Other... > Java。

1.2.3 關於 view

View 係組成整個 Eclipse UI perspective 既組件。

如果 mess up 左啲 views，搞到錯位，或者唔見左，可以去 menu bar > Window > Perspective > Reset Perspective...。

1.2.3.1 View 建議配置

針對 Java perspective，建議採用以下配置（其實同默認配置相近）：

左方：

Package Explorer
JUnit（行 test 會自動 show 出黎）

下方：

Problems
Javadoc
Search
Coverage
Console

右方（建議長期縮小，有需要時先開返出黎）：

Outline

如果冇顯示 Console，去 menu bar > Window > Show View > Console。Console 係用黎睇 program 既 log（用 System.out.println() 或 System.err.println()）。

1.2.4 Shortcuts 快捷鍵

以下 shortcuts 都係喺 Java class 度打。輸入法要英文。

用途	Shortcut keys / 步驟	解釋
Content assist	Ctrl+Space	針對而家 caret 左邊既 code 給予提示同幫助。喺 class 名度打既話（caret 可以喺 class 名中間或尾端），會顯示 caret 前既 class 名開頭既 classes（範圍係 JDK 內建 classes + 呢個 project 既 3rd party libraries 既 classes）；喺 method 開括號 `(` 後打的話，會顯示該 method 既 Javadoc。撳左之後可以用 left arrow 或 right arrow 黎調校 caret 位置
一般 log	喺 method 裡面打 `syso`，然後打 Ctrl+Space	`System.out.println()` 既簡寫
Error log	喺 method 裡面打 `syse`，然後打 Ctrl+Space	`System.err.println()` 既簡寫
`main` method	喺 class 裡面打 `main`，然後打 Ctrl+Space，見到 main method 再打 Enter	最快生成 `public static void main(String[] args) {}` 既方法
刪行	Ctrl+D	刪除 caret 果行 code，下面既 code 往上移動一行
複製本行至上一行	Ctrl+Alt+Up	將 caret 果行複製到本行之上
複製行在至下一行	Ctrl+Alt+Down	將 caret 果行複製到本行之下
Organize imports	Ctrl+Shift+O	如果有 classes 未 import，佢會 resolve（如果有撞名，佢會畀你揀）；如果有多餘既 imports，佢會移除
Comment out code	Ctrl+/	將 caret 果行前面加 `//` 或拎走 `//`（toggle comment）
Format code	Ctrl+Shift+F	將整個 class 既 code 以 Eclipse 既設定黎 format（結果出黎未必好睇）
Text search/replace	Ctrl+F	Search 而家個 file 或 replace 文字
Select 括號內既 code	Double click `{`、`}`、`(` 或 `)`	Select 一個 class 既 class body，或者一個 method 既 method body，或者一個 method call 既 arguments，或者一個 method signature 既 parameters
改名	Ctrl+1 > Rename in file 或 Rename in workspace	對 variable、method 或 class 名進行改名操作
Open type	Ctrl+Shift+T	搵成個 workspace 有既 types，包括 JDK 內建既、你喺 workspace 既 projects 裡面寫既，以及 workspace 所有 projects 用到既 3rd party libraries 裡面有既
Open resource	Ctrl+Shift+R	搵成個 workspace 有既檔案（如 text files，亦包括 types）