➜ Old React website
Chung Cheuk Hang MichaelJava Web Developer
React JS 網頁開發筆記（一）在 Java 項目中使用 Lombok

Java 8 之後既新功能

Continued from previous post:
Java 開發筆記（三）

Table of contents

1 Java 9 帶黎既改變

1.1 模組化 - Java Platform Module System (JPMS)
Java 9 提供左 module system，呢個功能亦叫做 Project Jigsaw。
模組化功能主要係想解決：
  • JAR 檔定義喺類別路徑中既順序，經常會有同名類別遮蓋既問題
  • JAR 對包裝既類別沒有封裝機制，即使開發中既程式庫想隱藏底層使用到既實作品，但只要係 public 既類型，API 開發者就見得到、用得到
  • JAR 檔案充其量只係個方便傳送既器皿，佢冇辦法表示彼此之間既依賴關係，當發生 ClassNotFoundException 既時候，我地好難知道到底缺少左邊個 JAR 檔
  • JDK 1.1 由 10MB 以下到而家 JDK 8+ 既 200+ MB，越黎越大，模組化亦可以令到需要既 JRE 細啲
參考資料：

1.2 interface 支援 private methods
Java 9 既 interface 既 methods 可以有 private access modifier，令到 interface 更加似 class。
呢啲 private methods 唔可以係 abstract。
1public interface Foo {
2
3    private void sayHi() {
4        // do sth
5    }
6}

1.3 Anonymous class 可以用 <>
<> 又叫 diamond operator，係用黎表示 generic type(s) 重複。
Java 9 之前，anonymous class 要我地寫清楚 generic type(s) 或重複前面定義變數既 generic type(s)，但 Java 9 既 anonymous class 就唔需要再重複 <> 裡面既 generic type(s)，留空就可以。

1.4 Try-with-resources 支援 try 前定義既變數
只要變數係 final 或 effectively final，就可以用喺 try block。
Java 9 之前既 try-with-resources：
try (Scanner scanner = new Scanner(new File("testRead.txt"));
     PrintWriter writer = new PrintWriter(new File("testWrite.txt"))) {
    // ...
}
Java 9 既 try-with-resources：
1final Scanner scanner = new Scanner(new File("testRead.txt"));
2PrintWriter writer = new PrintWriter(new File("testWrite.txt"));
3
4try (scanner; writer) {
5    // ...
6}

1.5 Collections API 新增 of 既 method
就好似 Arrays.asList 咁，Java 9 既 collection classes 新增左 of static method：
List<Integer> myList = List.of(1, 2, 3);
Set<Integer> mySet = Set.of(1, 2, 3);
Map<String, Integer> myMap = Map.of("one", 1, "two", 2);
以上既 of methods 都會返回一個 immutable 既 collection object。

1.6 Reactive streams publisher/subscriber framework
Java 9 新增左 reactive streams publish-subscribe framework for asynchronous stream processing with non-blocking backpressure（支援異步非阻塞背壓流式處理既反應式流發布/訂閱框架）。
參考資料：

1.7 Stream 新增 methods
Java 9 既 Stream 新增左以下 methods：
  • dropWhile
  • takeWhile
  • ofnullable
  • iterate​(T seed, Predicate<? super T> hasNext, UnaryOperator<T> next)

1.8 Arrays 新增 mismatch method
Java 9 既 Arrays 新增左 mismatch static method，可以搵出兩個 arrays 既第一個唔同既元素。

1.9 StackWalker API
Java 9 新增既 StackWalker API 可以畀我地遊歷、流處理 method call 既整個 stack。
參考資料：

1.10 Process API 改良
Java 9 改良左 Process API 既 ProcessHandle，而家我地可以攞到：
  • Process ID（PID）
  • User
  • 開始時間
  • 用左幾多 CPU 時間
  • 幾多個本地 processes 運行緊

2 Java 10 帶黎既改變

2.1 新增 var keyword
Java 10 新增左 var keyword 用於簡化定義 local 變數。Java compiler 會根據 value 去推斷變量既 type。
var greeting = "Hello World!";

3 Java 11 帶黎既改變

3.1 String 新增 methods
  • isBlank
  • lines
  • repeat
  • strip

3.2 HttpClient API 支援 HTTP/2
Java 11 之前，HttpClient 只係支援 HTTP/1.1，Java 11 既 HttpClient 就支援 HTTP/1.1 同 HTTP/2（默認）。

3.3 移除 Java EE
Java 11 移除左 Java EE––包括 JAX-WS、JAXB、JSR-250 既 annotations（如 @PostConstruct、@PreDestroy 等），但我地仲可以透過加入如 javax.annotation 既 javax.annotation-api 等 Maven dependencies 黎重新取得相關 Java EE 功能。

3.4 移除 JavaFX
為左更好咁發展 JavaFX，Oracle 認為應該將 JavaFX 獨立出黎，所以 Java 11 移除左 JavaFX，以後想以最新既 Java graphical user interface（GUI）rich client 技術開發 desktop apps 就要自行將 OpenJFX 既 JavaFX 加入 project 既 classpath。
參考資料：

4 Java 12 帶黎既改變

4.1 Collectors 新增 teeing method
Java 12 既 Collectors 新增左 teeing 既 method，可以將兩個 Collector 既結果合併，放落一個 object 裡面，例如 Map。
參考資料：

4.2 Files 新增 mismatch method
Java 12 既 Files 新增左 mismatch static method，可以比較兩個 Path 既檔案內容，並且搵出第一個唔同既 byte。

5 Java 13 帶黎既改變

5.1 重寫 Socket API
Java 13 將好舊既 Socket API 底層 Java + C code 重寫左。

6 Java 14 帶黎既改變

6.1 switch 語句改良
Java 14 既 switch 語句可以直接返回一樣野。
1int numLetters = switch (day) {
2    case MONDAY, FRIDAY, SUNDAY -> 6;
3    case TUESDAY                -> 7;
4    default      -> {
5      String s = day.toString();
6      int result = s.length();
7      yield result;
8    }
9};

7 Java 15 帶黎既改變

7.1 Text block（文本塊）、String 新增 formatted method
Java 15 畀我地將多行既 string 直接放喺 source code 度，唔需要用 newline（\n）甚或自己分開幾行然後用 + 號。
1String html = """
2<html>
3    <body>
4        <p>Hello, world</p>
5    </body>
6</html>
7""";
Java compiler 會根據咁多行而搵出最大既共同縮排距離，然後將全部行移除相同既縮排距離。如果唔想出到黎既 string 有縮排，但又想寫出黎既 code 有縮排，formatting 好睇一啲，可以將最後一行加多啲空格增加縮排距離。
Java 15 既 String 亦新增左 formatted 既 instance method，作用同 String 既 format static method 無異。
參考資料：

7.2 詳細既 NullPointerException error message
Java 15 既 NullPointerException 帶黎既 error message 會提供詳細既資訊畀我地知道邊個變數 null 左。
Exception in thread "main" java.lang.NullPointerException:
      Cannot read field "c" because "a.b" is null

7.3 移除 Nashorn JavaScript engine
Java 15 移除左 Nashorn JavaScript engine。

8 Java 16 帶黎既改變

8.1 record type
Java 16 既 record type 可以實現 Lombok 既部分功能，減少寫 boilerplate code。
record Point(int x, int y) { }
伴隨呢個新功能，Java 16 亦都改變左 non-static inner class 既一啲規則，而家我地係可以 declare static fields 以及 static methods。
Java 16 之前（將 MyInnerClass 改成 static 先 compile 到）：
1public class MyOuterClass {
2
3    // 注意：non-static inner class
4    public class MyInnerClass {
5
6        // JDK 16 之前既版本會有 compilation error：
7        // The field myField cannot be declared static in a non-static inner type,
8        // unless initialized with a constant expression
9        static String myField = "foo";
10
11        // JDK 16 之前既版本會有 compilation error：
12        // The method myMethod cannot be declared static;
13        // static methods can only be declared in a static or top level type
14        static String myMethod() {
15            return "foo";
16        }
17    }
18
19    public static void main(String[] args) {
20        System.out.println(MyInnerClass.myField);
21        System.out.println(MyInnerClass.myMethod());
22    }
23}

8.2 instanceof 既 pattern matching
Java 16 既 instanceof 可以直接 cast 成某個 type 再拎黎用。
if (obj instanceof String str) {
    String value = str;
}

8.3 Stream 新增 mapMulti method
寫法一：
1final List<String> result = input.stream().mapMulti((Object element, Consumer<String> consumer) -> {
2	consumer.accept(element + "-1");
3	consumer.accept(element + "-2");
4}).collect(toList());
5
6System.out.println(result); // [a-1, a-2, b-1, b-2, c-1, c-2]
寫法二：
1final List<String> result2 = input.stream().<String>mapMulti((element, consumer) -> {
2	consumer.accept(element + "-1");
3	consumer.accept(element + "-2");
4}).collect(toList());
5
6System.out.println(result2); // [a-1, a-2, b-1, b-2, c-1, c-2]
參考：

9 Java 17 帶黎既改變

9.1 新增 sealed modifier、permits keyword
Java 17 新增左 sealed type-level modifier 及 permits keyword，只有 permits 後面既 type(s) 先可以 extends 或者 implements 呢個 class 或者 interface，畀我地更好咁控制 inheritance。Java 17 之前只有加上 final 或者唔加 final 既選擇，冇辦法揀某啲 subtype(s) 黎開放 inheritance。
permits 後面既 type(s) 必須要有 final、sealed 或 non-sealed 既 modifier。
例子：
Shape.java：
public sealed class Shape permits Circle, Square, Rectangle {
    // ...
}
Circle.java：
public final class Circle extends Shape {
    // ...
}
Square.java：
public non-sealed class Square extends Shape {
    // ...
}
Rectangle.java：
public sealed class Rectangle extends Shape permits FilledRectangle {
    // ...
}
FilledRectangle.java：
public final class FilledRectangle extends Rectangle {
    // ...
}
如果 subclass 或者 subinterface 係喺同一個 Java class file 裡面定義，就可以唔洗打 permits，自動賦予 inheritance 權利畀呢啲 subclass 或者 subinterface。
參考資料：

10 【預覽功能】
預覽既功能已經喺 JDK 裡面，只要啟動某啲配置就可以用到，只係未被定為最終完成版，之後可能仲會有改動，應該會喺後續既新版推出。

10.1 Vector API
Java 16（預覽）新增左 Vector API，其作用係使用 CPU 既 SIMD（Single Instruction Multiple Data）指令黎提升 CPU 處理 int、float、long、double、short、byte 既 array 既運算效率，有別於現時既 for loop 對每一個 array element 逐一單獨處理。
參考資料：

10.2 switch 既 pattern matching

 
1switch (o) {
2    case null        -> System.out.println("null");
3    case String s    -> System.out.println("String");
4    case int[] arr   -> System.out.println("Array length" + arr.length);
5    case MyClass obj -> System.out.println(obj.toString());
6    default          -> System.out.println("Something else");
7}

10.3 Virtual threads
參考：

11 參考資料

6330 1333

michaelboyboy@gmail.com

www.linkedin.com/in/mickchung

Copyright © 2025 Chung Cheuk Hang Michael. All rights reserved.
Developed with React, Bootstrap and Next.js.