Spring Boot 配置方式
Table of contents
1 Java app 配置方式
純 Java apps 既配置方式有以下幾種：
- Environment variables
JAVA_TOOL_OPTIONS
- System properties
- Command line arguments
- 自定義檔案
因為係純 Java apps 既關係，所以係由開發者決定個程式要由以上邊一度地方讀取配置，以及配置既優先次序。
簡單黎講：
- 開發者可以令個程式只由以上既其中一度地方讀取配置，唔理會其他地方既配置。
- 開發者為左令個程式既配置更加方便、更有彈性，可以支援幾種方式黎讀取配置。
- 開發者要自己寫讀取配置既邏輯，包括優先次序。
2 Spring Boot 配置方式
Spring Boot 作為一個全面既 application framework，提供左一個讀取配置既規範。
Spring Boot 原生支援既配置方式包括以下幾種（按照優先次序排列）：
- Command line arguments
- System properties
- Environment variables
JAVA_TOOL_OPTIONS
application檔（副檔名（按照優先次序）：properties、yml、yaml）
另外仲有 Spring Cloud Config，可以睇返呢篇：Spring Cloud Config——使用獨立既 Git 配置 repo。
當然，作為一個 Java app，我地都仲可以用自定義檔案既方式。
2.1 配置方式詳解
| 配置方式 | 描述 | 例子 |
|---|---|---|
| Command line arguments | 執行 java 既果句 command 裡面 JAR 檔名後面既所有野都係屬於 command line arguments，但 Spring Boot 只會認帶有 -- prefix 既 arguments。Java app 既 main method 要 pass args 入 Spring，即係 SpringApplication.run(MainClass.class, args)。 | java -jar app.jar --server.port=8081 |
| System properties | 執行 java 既果句 command 裡面既所有 -D options，唔可以放喺 JAR 檔名既後面。如果有幾個相同既 property 名既 -D options，則後者優先。 | java -Dlogging.level.root=ERROR -Dlogging.level.org.springframework.context=DEBUG -jar app.jar |
| Environment variables | 有好多方式去設置佢地，如果計手動既話，就係執行 java command 之前既所有設置 environment variables 既 commands。 | Windows：set server.port=8081；Linux：export server.port=8081 或者 source env.txt。 |
JAVA_TOOL_OPTIONS | 係 Java 比較特殊既 environment variable，因為佢會變成 system properties。如果冇辦法用 -D（例如改唔到 Dockerfile 既 ENTRYPOINT），咁就可以用佢。可以用 java -version 檢查。執行 java command 之後都會顯示。 | Windows：set "JAVA_TOOL_OPTIONS=-Xmx1024m -Dserver.port=8081"。 |
application.yml、application-dev.yml 等等 | 係 Spring Boot 默認會讀取既配置檔案，檔案內容既格式可以係 YAML 或者 Java properties（同副檔名一致）。 | YAML：server.port: 8081；Java properties：server.port=8081 |